非洲,一直都是我的dream place,一望無際的草原，百獸狂奔的景象，雖然在電視上已經看過無數次，但是我仍然一直嚮往踏足非洲這遍大陸，而這個意念越來越深，既然2016年是我們結婚五週年，不如就用這個特別的日子前往這個夢想的地方吧，在完全無考慮安全程況下，就已經自己決定今年一定要去非洲，一於成就'Africa dream come true'! 雖然話要來非洲，但是非洲亦是十分大，究竟要去哪個國家好呢？肯雅、坦桑尼亞、南非都是在考慮之列，其實這三個國家都在budget之列, safety上都是差不多，但是既然是初體驗非洲，不如就揀南非吧！一方面因為有直航機，而且又唔使簽證又唔使打黃熱針，再加上南非除咗可以睇動物之外，仲有Table mountain, 好望角可以去睇，所以最後就拍板去南非！在十一日嘅行程裏，我哋最主要就係留喺開普敦同埋約翰來斯堡再加上去Pilenesburg睇safari, 可以進行一個比較舒服又可以體驗到非洲旅遊精粹嘅行程。我們向非洲出發🛫
今次南非之旅十一日的行程：
第一日：由香港搭乘國泰航空CX749到約翰內斯堡再轉成南非航空到開普敦。抵達開普敦的下午到V&A和水族館
第二日：乘撘CITYSIGHTSEEING BUS的藍缐，到植物公園、酒莊海獅島和桌山
第三日：到world of bird、camp bay和signal hill睇日落
第四日：參加單車團去好望角搭單車，上cape point燈塔和去boulder bay 看非洲黑腳小企鵝
第五日：飛回約翰內斯堡再搭的士去pilanesberg national safari 開始四日三夜的safari。住宿shepherd tree game lodge
第六至八日：追蹤動物safari
第八日：回Pretoria
第九日:到lion park 遛獵犳
第十日：回家啦
由香港出發去南非第一站必定是約堡, 然後可以再轉搭SA的國內航班去南邊的開普頓。SA的國內缐十分方便，基本上每小時都有一班飛機到開普頓。但在約堡轉機的感覺真的好差，由行李輸送帶到海關短短二百米的距離已經被要求開行李箱三次，每次都問有沒有食物，真的好煩，到最後要好堅決地說沒有，之後就再冇任何自稱是海關的人纏繞。而且在約堡機場內有很多人話幫你拿行李或帶你去check in counter, 其實都是想拿tips, 記得拒絕就ok, 總之在約堡機場真的要打十二萬個心！
SA雖然係一個小時多一點的機程，但是都有SERVE早餐，味道確實不錯
開普敦同約翰內斯堡嘅感覺真的大不同，一落機嘅感覺就已經不錯過關又順利，而且一出關就已經有好多定額收費嘅的士站，由機場出V&A實收R200, 收費都算合理，車子都好新而司機都十分有禮貌，沿途都有介紹一下開普頓。車子一出機場就上高速公路，好快就見到開普敦著名地標Table mountain, 山背的形狀是十分崎嶇不平，但只要轉到正面便可見到世界七大自然奇觀的桌山，真的是一張平平的上帝餐桌，其實幾乎在開普敦市內任何地方都可以見到桌山呢！而這個城市真的好貼切風城的稱號，就算係在風和日麗嘅日子，這裡啲風的強度都可以強到係車箱裏面也可以感受到喔，一路駛入市內時都聽到呼呼聲，我們就是由這陣列風伴隨著進入開普頓市內。
在service apartment settle後，今天決定先到V&A WATERFRONT，V&A係開普敦嘅中心地帶，基本上所有local tour都會有呢個站，在這𥚃吃喝玩樂應有盡有，又有大型嘅shopping mall, H&M, ZARA同很多外國牌子都可以找到，在南非highly recommend 是買中產必有的Nepresso咖啡機，它的價錢大概是香港的一半左右，電壓都是220W, 只要換個插頭便可以用。在main mall樓下更有大型supermarket, 這裡賣的A級牛排和羊架都好抵，HKD80左右便有六件羊架，好平喔！而且南非亦出產的葡萄酒，所以價錢十分宜人，三四十元便有一枝，每晚都可以過酒池肉林的生活😏
一枝Rose sparkling wine都不用HKD60, 太化算吧，喝不完就用來做個SPA吧！
V&A係遊客必去嘅地方，在哪裏你可以體驗唔到不一樣的非洲風情, 因為來到這裏你會以為得自己係身處喺英國rather than 非洲，所有建築物都有濃厚嘅維多利亞時代色彩，而且亦有大型嘅帆船碼頭，係呢度食下野飲下酒又是一個很悠閑的下午。
來到開普頓海鮮真是must eat item啊，又平又新鮮，半打oyster都只是HKD50, 好抵食啊！而酒類更加平！
TWO OCEAN AQUARIUM 的收費表，大人都是大約HKD70
在V&A我會推薦去Two Ocean Aquarium 水族館和摩天倫。雖然這個水族館規模不算太大，但係裏便有好多互動嘅活動，可以比你更認識海洋生物，而且住喺水族館裏面嘅企鵝並不是用厚厚的玻璃圍起來的，反而是用一個矮欄隔開，所以一入到企鵝館便可以聽到企鵝們十分吵鬧，吱吱喳喳地叫著，同企鵝可以近距離接觸真的好幸福喔！
好多nemo啊，其實真是有點誇張吧！
真的要唱番首幸福摩天輪：
追追趕趕 高高低低，深呼吸然後與你執手相隨
甜蜜中不再畏高
可這樣跟你蕩來蕩去 無畏無懼
天荒地老流連在摩天輪
在高處凝望世界流動
摩天倫正正就在main shopping mall 對出，在上面可以看到美麗嘅table mountain和V&A 風景，我個人覺得is worth to do, 特別同情人喺上邊遊一倘確實十分浪漫，不過係大風嘅日子上摩天輪就會左搖右有擺，不過對畏高嘅朋友又真係有點兒可怕！要注意如果真的風速太大時也會停駛的。
最後不得不提在V&A有很多餐廳，但是食飯時間時都要等位而且出名的餐廳都只是做訂枱生意，walk in 大多數都會同你講冇位，記得要訂枱。當然在V&A食飯確實比外面貴，但是可以在這樣浪漫的氣氛下進餐已經值回票價，兩人食海鮮大約HKD500 -800左右，唔算平，但是確實很鮮美和這樣的用餐環境在香港一定找不到。
留言列表
